दिक्तेल–गाईघाट सगरमाथा लोकमार्ग सडकखण्ड अन्तर्गत खोटाङको खोटेहाङ गाउँपालिका–९ लिच्कीराम्चे र उदयपुरको रौतामाई गाउँपालिका–५ फोक्सिनटारस्थित सुनकोसी नदीमा अस्थायी पुल (बेलीब्रिज) जडान गर्नका लागि सुचना प्रकाशन भएकाे छ ।

गत असाेजमा आएकाे बाढीले १० बर्ष लगाएर बनेकाे आर्क डिजाइनकाे पक्की पुल बगाएपछि गाइघाट र दिक्तेलबीच सीधा सडक सम्बन्ध टुटेकाे थियाे । नयाँ पुल निर्माणकाे विषय अझै अन्याैल नै रहेतापनि अस्थाइ रुपमा आवतजावत गर्नका लागी बेलिब्रिजले सहज हुने भएकाे छ ।

भाैतिक पुर्वाधार तथा यातयात मन्त्रालय, सडक विभाग अन्तरगत गाइघाट दिक्तेल सडक आयाेजना कार्यालय गाइघाटले मंसिर ११ गते ७ दिने सुचना निकालेकाे हाे ।

“फोक्सिङटारको बेली बृजको सुचना प्रकाशित भयो ! यो सुचना सातदिने भएकोले पुषको १०-१५ गते भित्र सन्चालनमा आउने अपेक्षा छ । जेठमा निकाल्नुपर्ने यो अस्थायी पुलले हाम्रो समस्याको दिगो समाधान दिदैन भन्ने राम्ररी थाहा छ । तसर्थ बर्षामा पनि निकाल्नु नपर्ने पुल निर्माणमा हामी सबै तदारुकताका साथ लागेका छौं । फोक्सिङटारको पुल बगाएपछि हामीले भोगेको पीडाबाट उन्मुक्ति पाउन सबैभन्दा छिटो, भएमध्येको दीगो र राम्रो पुल निर्माणका लागि प्रधानमन्त्री देखि भौतिक मन्त्रीज्यु र मन्त्रालयका अधिकारीहरुसङ अनेकपटक कुराकानी र बैठक भएका छन । यस सम्बन्धी थप कुनै सूचना भएमा सार्वजनिक गर्ने ब्यहोरा सबैमा अवगत गराउछु ।” सुचना र आफूले पहल गर्दैगरेकाे तस्वीर सार्वजानिक गर्दै संविधानसभा सदस्य विशाल भट्टराइले आफ्नाे फेसबुक वालमा लेखेका छन् ।